*काही निवडक अभिप्राय*

'दर्पण' हे त्रैमासिक आपणाला संस्थेत घडणाऱ्या घडामोडींची माहिती उपलब्ध करून देत असते. दर्पणच्या माध्यमातून संस्थेच्या सदस्यांशी सातत्याने संवाद साधला जातो. - सीए. डॉ. प्रवीण पाटील (उपाध्यक्ष - नां.ए.सो. नांदेड.)

नांदेड एज्युकेशन सोसायटीचे एक मुखपत्र असावे व त्याच्या माध्यमातून संवाद साधता यावा, हे कित्येक दिवसांची स्वप्न आता साकार झाले, स्थिरावले आहे‌. - सौ. श्यामल पत्की ( सचिव - नां.ए.सो. नांदेड.)

आपल्या संस्थेमध्ये सुरू असलेले नवीन उपक्रम काय चालू आहेत याची सर्वांना माहिती मिळावी यासाठी चार वर्षांपूर्वी दर्पण नावाने त्रैमासिक पत्रिका काढली गेली, ज्यामुळे सर्व सभासदापर्यंत संस्थेची माहिती दर्पणच्या माध्यमातून देण्यात येते. - ॲड. प्रफुल अग्रवाल (सहसचिव - नां.ए.सो.नांदेड.)

महाराष्ट्रात अनेक शिक्षण संस्था विविध ध्येयाने स्थापन झाल्या आहेत; परंतु स्थापना करतेवेळी ठरविलेले ध्येय साध्य झाले किंवा नाही याचा लेखाजोखा पाहण्यास मिळत नाही. पूज्य स्वामी रामानंद तीर्थ यांनी २६ जून १९५० रोजी नांदेड एज्युकेशन सोसायटीची स्थापना केली. ही शिक्षण संस्था विशिष्ट ध्येयातून निर्माण झालेली आहे. या शिक्षण संस्थेचे अध्यक्ष डॉ. व्यंकटेश काब्दे यांनी आपण केलेल्या कार्याचा लेखाजोखा समाज आणि संस्थेचे सदस्य यांच्यापुढे ठेवण्यासाठी नांदेड एज्युकेशन सोसायटीचे मुखपत्र असावे असा विचार व्यक्त केला. त्यानुसार नांएसो दर्पण हे त्रैमासिक चालविले जाते. एखादी शिक्षण संस्था चालवत असताना आपण कुठपर्यंत आलेलो आहोत? आपणास काय साध्य करायचे आहे? आपली ध्येयपूर्ती झाली किंवा नाही? अशा प्रकारचे मूल्यमापन आपण स्वतः करणे आवश्यक असते. या अनुषंगाने नांदेड एज्युकेशन सोसायटीचे 'दर्पण' हे त्रैमासिक अतिशय महत्त्वाचे आहे. श्री राहुल गोरे दर्पणचे संपादक म्हणून काम पाहत आहेत. ध्येयनिष्ठ वाटचालीचा लेखाजोखा म्हणजेच नांएसो दर्पण. प्रा.डॉ. विकास सुकाळे (अर्थशास्त्र विभाग प्रमुख, पीपल्स कॉलेज, नांदेड.)

नांदेड एज्युकेशन सोसायटीने सुरू केलेला 'दर्पण' हा उपक्रम अत्यंत स्तुत्य असून संस्थेतील शैक्षणिक विकासाला निश्चितच गती देणारा आहे, यात शंका नाही. हा नाविन्यपूर्ण उपक्रम सुरू केल्याबद्दल संस्थेचे सर्व पदाधिकारी व संपादक व मंडळाचे मनःपूर्वक अभिनंदन. आपली संस्था आणि तिच्या अंतर्गत येणाऱ्या तिन्ही घटक संस्थांमध्ये जे शैक्षणिक उपक्रम राबविले जात आहेत, त्यांची माहिती दर्पणच्या माध्यमातून समाजाला होऊन लोकांमध्ये त्यांच्याबद्दलची वस्तुनिष्ठ प्रतिमा तयार होण्यास मदत तर होतेच पण त्याचबरोबर संस्थेचे पदाधिकारी, घटक संस्थांचे प्रमुख, शिक्षक व कर्मचाऱ्यांच्या कामात अधिक पारदर्शकता येऊन त्यांच्यातील उत्तरदायित्वाची जाणीव प्रखर होण्यास मदत होईल असे मला वाटते. - व्ही.एन. इंगोले (माजी प्राचार्य - पीपल्स कॉलेज, नांदेड.)